På laurdag 23. oktober vert Flyplassmila, så fint kalla «Verdas raskaste løypetrasé», arrangert på Stord Lufthamn – på sjølve flystripa.
Stord Friidrett arrangerar for fyrste gong eit løp som kan skrivast inn i historiebøkene ved å ha verdas raskaste løypetrasé, nemleg sjølve flystripa på Stord Lufthamn. Etter å ha vorte utsett eit par gongar grunna Covid-19, så er det endeleg duka for løpsfest på Sørstokken.
I skrivande stund er det om lag 400 påmeldte til dei to distansane, 5km og 10 km, på Flyplassmila. I tillegg vert det arrangert barneløp for dei minste. Blant desse deltakarane finn ein fire av oss i redaksjonen.
Konkurransetid!
I samband med at Madel tek ein 5 km lang runde rundt flyplasstripa og underteikna (Espen. red. anm.) avsluttar ballet med to rundar (10 km) same stad, så skipar me til ein konkurranse på Facebook-sida vår.
Der kan de tippe kva tidene til Madel og Espen vert til slutt.
Premie til den/dei som har tippa nærmast etter endt løp på laurdag, og vinnarane får eit EKSTREMT eksklusivt Bjella Tidende Junior-krus i premie (sjå under)!
Heia, heia!
