Kvifor gå over bekken etter ein peparkakeby?

For 15. gong kan du vitje peparkakebyen på Leirvik.

Nok ein gong har Stord Røde Kors fått lokale hender, i blant anna barnehagane rundtom, til å gi bidrag til peparkakebyen deira i Borggata 7. Dei har òg sal av handarbeid i tillegg til eit minilotteri, med trekking før jul.

Sjølv om opninga var det 23. november, kan du fortsatt få med deg byggverka som er komen på plass i år. Denne veka har dei opent frå i dag til og med laurdag frå kl. 10 til kl. 16. Torsdag er det opent heilt til kl. 18.